Ginkumpirma ni Fr. Tudd Belandres, kora paroko it St. John The Baptist Cathedral ag sambilog sa mga exorcists sa Pilipinas nga haeos kada domingo hay may mga kaso it possession ukon ginasapian it mga maeain nga espiritu nga andang ginatratar sa simbahan.
Posibleng natiempo eamang suno kana ro natabu nga pagka-possess ko Lunes Santo sa daywang magmaeanghud nga menor de edad nga puro babaye kaibahan ro sambilog nanda nga barkada nga ko ulihi hay pati ro andang ina hay ginsapian man nga natabu sa Sampaguita Road, Brgy. Andagao, Kalibo.
Suno kay Fr. Tudd nga ginkinahangean nana nga i-exorcised ro kada isaea sa mga raya.
Nagapati imaw nga nagatinaas ro mga kaso it possession bangud sa pagdangop it mga tawo sa mga albularyo, faith healers ukon mga mangkukulam nga makabig nga occultism kun sa siin nagabakae pa it mga mahae nga anting-anting ukon panaming.
Mag-eowas kara, ginpuna man nana ro bag-ong gawi makaron it mga tawo nga mahina ro pagtuo sa Diyos ag owa masyadong nagasimba ag nagapangamuyo.
Nagiging factor man sigon ro mga broken relationship ag nakasanayan nga pag-obra it mga saea.
Agud nga maprotektahan sigon ro kaugalingon kontra sa pag-atake it mga demonyo, ugalion nga magpangamuyo it santo rosaryo ag indi magpa-apekto sa pagtubeag it mga maeain nga elemento.
Samtang, nagaeaum si Fr. Tudd nga pagasundon it mga gin possess nga mga indibidwal ro anang bilin ag rekomendasyon agud nga indi sanda pagbalikan .
