Sa pagsueod it summer season, uso eon man ro mga sakit nga pwedeng mabo-oe makaron nga tag-init kapareho it bungang araw, sunburn, dehydration, pagbuyog it ueo, fungi ag heatstroke.
Apang kaabuan nga nabiktima it heatstroke kada tag-init, ag raya man ro pinakaseryosong nagakatabu kon magtaas it 40°C ro temperatura it atong eawas ag nagakinahangean raya it insigidang atensyon bangud nga kon indi naton raya maagapan hay pwedeng magresulta sa kamatayon.
Ham-an it naexperiensiyahan ro heatstroke.
Nabobo-oe raya kon mabuhay nga na-expose sa init ukon grabeng physical activity.
Owa it ginapili nga edad ro heatstroke, mas prone man kara ro mga tawong may gina angkon nga sakit kapareho it diabetes, heart problem, obesity ag iba pang baeatian.
Ro heat stroke hay pwedeng malikawan.
Kinahangean eamang nga sundon ro mga masunod , magsuksok it haeuga ukon maugan nga eambong.
Mag inom it maabu nga tubi agud nga mapabilin nga hydrated ag ma-maintain ro normal body temperature.
Likawan nga mag agto sa mainit nga lugar ag magpabilin sa mahangin nga lugar.
Kun may gina-obra nga physical activities, taw an man ro kaugalingon it oras para magpahuway agud nga mabawasan ro init sa eawas.
Ag maggamit it spray bottle, butangan raya it tubi ag i-spray sa eawas agud nga maging masoehay ro pamatyagan.
