Daeayon eon nga ginpaiway ni Aklan 1st District Board Member Nemesio Neron ro ginproponer sa plenaryo nga pagpatuman it visa upon arrival policy sa mga dumueoong turista nga maga-adto sa probinsya it Aklan partikular sa Isla it Boracay.
Suno kana nga raya hay matapos nga naghimu eon man it tikang ro national government para makaangkon ro mga dumueoong turista it mas madali ag madasig nga access sa pagbiyahe paagto sa Isla.
Angot kara, eubos gid sigon ro anang kalipay bangud mismong sa national government eon maghalin ro manami nga inisyatibo.
Ginpamalibran man ni Neron nga ro pagkuwestiyon ni Vice Governor Reynaldo Quimpo sa pagpatuman it visa upon arrival policy ro naging rason nana it pagpaiway sa pagduso kara.
Madumduman nga tuyo it nasambit nga polisiya nga mas pang maka-engganyo it mga dumueoong turista nga magbisita sa isla it boracay bilang sambilog raya sa nagapangunang tikang para sa mas ika-umwad it turismo it probinsya it Aklan matapos ro epektong daea it pagpaeanasa it pandemya.
