Ginklaru it National Security Council nga ro mga dugang nga EDCA sites hay bukon it para sa offensive operation kontra sa China ukon para mag-intra sa isyu may kaangtanan sa Taiwan.
Ro pinakatuyo kara hay ro maprotektahan ro territorial intergrity it nasyon.
Samtang, ro kaeowasan it 150,000 nga Pilipinong nagatinir ag nagatrabaho sigon sa Taiwan hay gusto eamang masiguro it ahensya.
Ginpahayag man it National Security Council nga ro pagpili sa EDCA sites hay nakabase sa Strategic Basing Plan it Armed Forces of the Philippines ag bukon raya it maghalin sa dikta it United States.
Ro rayang mas pinabaskog nga relasyon it US ag Pilipinas hay nagatuyong makabulig sa pagdevelop it kapasidad it AFP nga maprotektahan ro teritoryo it nasyon.
Ro prioridad eamang sigon it Pilipinas hay ro mas pasanyugon ro defense capability, makaangkon it advance nga kagamitan ag maisaayos ro mga imprastraktura.
