Nabaligya sa balor nga masobra sa 2.2 million dollars ukon katumbas it P121,271,700 pesos ro sneakers ni NBA Superstar Michael Jordan sa ginpatigayon nga auction sa Amerika.
Ro sapatos hay sangka “Bread’ Air Jordan 13s nga ginsuksok ni Jordan sa Game 2 it 1998 NBA Finals, kun sa siin naangkon kara ro anang pang-an-um ag pang ulihing Championship ring.
Naeampasan eon ni Jordan ro anang record nga $1.5 milyon dollars sa nabaligya man kara nga kaugalingon nga pares it sapatos ko September 2021 sa ginpatigayon nga auction.
Gintago it auction house ro pagkatawo it maswerteng nakabakae sa mga sapatos apang suno sa management, may autograph si Michael Jordan sa mga raya.
Ko nagtaliwan nga dag-on hay nabaligya man sa auction ro anang NBA Jersey sa balor nga $10.1 milyon dollars ukon katumbas it P556, 636, 250 pesos.
