Ginpahayag it Bangko Sentral ng Pilipinas nga ro mga remittance inflows halin sa mga overseas Filipino hay padayon nga naganaba ko Pebrero agud markahan ro pinakamanabang lebel sa sueod it siyam nga buean.
Ro mga cash remittances ukon money transfer nga ginpadaea sa pamaagi it mga bangko ukon pormal nga channel hay umabot sa $2.5 billion, nagnaba it uman sa $2.7 billion nga nailista ko Enero.
Pinakamanaba man ro nailistang $2.4 billion ko Mayo 2022.
Apang, raya hay 2.4% nga mas mataas kaysa sa $2.5 billion ko Pebrero 2022 nga ginaangot it BSP sa mas mataas nga mga resibo halin sa mga international workers.
Suno sa BSP, ro pagpaeapad it mga cash remittances ko Pebrero 2023 hay bangud sa pagbahoe it mga resibo halin sa mga land ag sea based workers.
Apang, ro mga personal remittance nga kabilugan it mga pagsaylo it ginpadaea sa cash ukon in-kind sa pamaagi it mga informall channel hay nailista sa $2.8 billon.
Raya hay nagnaba halin sa $3.07 billion ko Enero apang 2.4% nga mas mataas kaysa sa $2.7 billion ko Pebrero 2022.
