Gina rekomenda it Department of Trade and Industry (DTI) ro paglimita sa mga annual holiday sa Pilipinas it hasta sa napueo eamang.
Raya hay bangud man sa naging isyu eon sigon para sa business sector ro maabu nga mga holidays sa nasyon.
Ro 10 nga regular holiday hay ro ginasunod it mga international organizations.
Engkaso nga matabu, malimitahan eamang ro mga Pilipino it hasta sa 10 nga regular holiday, ag indi eon maeakip ro All Saint’s Day ag New Year’s Eve, base man sa rekomendasyon it DTI.
Sa pihak kara, ginakilaea gihapon ro mga special non-working holidays.
Maskin nga maabu nga problema ro nasyon, bukon man it pag abuso nga tun-an man ro ginasugid nga masyadong maabu nga regular holiday.
Nasayuran man naton nga owa pa eubusan nga nakakabangon ro ekonomiya sa epekto it pandemya
Maabu nga negosyo sa gihapon ro todo-kayod para makabalik.
Importante man nga pamatian ro opinyon it mga sektor nga direktang naaapektuhan it mga laye ukon sueundanan nga ginapatuman it gobyerno .
