Ginpaathag ni Engr. Ariel Gepty, general manager it Aklan Electric Cooperative ukon Akelco ro pila ka mga rason sa likod it sigidas nga power interruptions ko nagtaliwan nga dominggo.
Suno kana, nakaangkon it mga line disturbance sa National Grid Corporation of the Philippines ukon NGCP nga sanda ro nagadeliver it power supply sa Akelco.
Uwa sigon nag synchronize ro pagpasueod it mga enerhiya sa grid rason nga nakaangkon it line disturbance nga nagresulta man sa temporaryong pagkaduea it power supply ukon mga sunod-sunod nga power interruptions.
Apang, ginklaro eon makaron it Akelco nga estable eon ro supply it kuryente.
Nasayuran nga sa kasagsagan it Western Visayas Regional Athletic Association ukon WVRAA Meet 2023 sa Aklan hay ro pagtuhaw man it mga power interruptions nga nagbuhay it mga pilang oras halin ko Abril 26 hasta it Abril 29.
