Nag-aywan it mga indibidwal nga ninahan ag mga edipisyo nga narumpag ro tumama nga 6.5 magnitude nga linog sa western prefecture it Ishikawa sa nasyon it Japan.
Suno kay Bombo International Correspondent Josel Palma it Tokyo, Japan nga gin-uyog it mabaskog nga linog ro prefecture kon sa siin nakitaan it pagtaas it tubi sa kaeawran apang uwa it gin-abiso nga tsunami warning ro natungdan nga ahensya it gobyerno.
Sangka indibidwal ro inatake sa tagipusuon bangud sa kakoeba sa nasambit nga linog.
Samtang, uwa man it nailista nga halit sa Shika nuclear power plant sa nasambit nga lugar kamana man sa Kashiwazaki-Kariwa plant sa kaeapit nga prefecture it Niigata.
Apang sa pihak kara, ginpahayag dugang ni Palma nga may mga aftershocks pang nailista sa nasambit nga prefecture.
Angot kara, puspusan eon ro ginahimo nga pagclearing it gobyerno agud nga masikyar ro lugar hasta nga maging eawas sa mga residente nga naga-istar idto.
