Ginpatawag it barangay council it Kalibo ro mga purok leader agud nga impormahan ro mga raya angot sa mga nagakinatabo nga gulo sa tunga it grupo it mga pamatan-on.
Suno kay Mrs. Rodelyn Soguilon, leader it Purok 12 Oyo Torong St. Kalibo nga ro pagpatawag kanda hay agud nga istoryahan ro mga dapat nga himuon para insigidang mahimos ro mga pamatan-on nga nagakriar it kalokohan sa banwa.
Raya hay kasunod sa makaalarma nga ginasugid nga gang war maghalin sa social media hasta nga umabot sa punto it pagpamana nga may nabiktima nga daywang ka mga indibidwal.
Ginpahayag dugang nga haeos tanan hay kilaea nana sa mga hitsura pati ro andang mga ginikanan kon sa siin naga-istambay ro mga raya sa bagsakan area sa ibabaw.
Uwa eon suno kana sanda kasayod kon anu ro andang ginahimo hasta it hanagob.
Panawagan nana sa kapareho kara nga ginikanan nga usisaon gid ro ginahimo it andang mga inonga agud nga inde maimbolbar sa mga kinagamo
