Dere-deretso ro ginapatigayon nga paglimpyo ag hugut nga pagsaea sa listahan it mga botante para sa Barangay ag SK Election.
Suno kay Crispin Raymund Gerardo, tagapaghambae it Commission on Elections ukon COMELEC-Aklan nga umpisa enero hasta Hulyo hay pagalimpyuhan nanda ro andang listahan eabi eon ro mga botante nga nagtaliwan sa pihak nga kinabuhi ag ro mga may double registration.
Raya hay pinaagi sa election registration board ukon ERB hearing.
Sakop man kara ro pag-proseso sa tanan nga mga nag apply para sa voters’ registration, transfer, ag correction of entries nga gin-file umpisa December 2022 hasta January 2023.
Sa pihak nga parte, gindugang pa ni gerardo nga preparado eon ro COMELEC-Aklan para sa nagahilapit nga eleksyon.
Sa kamatuoran suno kana nga ro kada munisipyo hay naka-establisar eon it project of precincts.
Haum eon man suno kana ro listahan it mga manugturo kada banwa nga iga-appoint bilang board of election tellers sa bulig it Department of Education .
