Kasunod sa pagpaidaeum sa aklan sa state of calamity bangud sa outbreak it African Swine Fever ukon ASF, nagaeaum ro provincial board nga makontrol eon ro pagkalhit it nasambit nga sakit.
Suno kay sangguniang panlalawigan member Nemesio Neron , chairman it committee on agriculture and aquatic resources nga raya ro pinakatuyo it naging tikang ni Aklan Governor Joen Miraflores.
Gintalakay sa special session it SP ko Biyernes ro hinyu it gobernador para sa pagbilog it resolution.
Nasayuran nga nagkalhit eon ro ASF sa mga babuyan sa pito nga banwa sa Aklan nga ginaeakipan it Balete, Batan, Makato, Tangalan, Kalibo, Numancia ag New washington.
Ginakabaeak-an it mga opisyal ro mas pang pagtaas it presyo it kada kilo it karneng baboy sa mga baealigyaan kon magnipis ro supply kara bangud sa ASF.
Ginpaathag nga pinaagi sa pagdeklara it state of calamity sa bilog nga Aklan hay magamit it mga lokal nga gobyerno ro andang quick response fund ag iba pang pondo para makahimo it aksyon ag programa para mapugngan ro outbreak it ASF ag para mabuligan ro mga nagakalugi nga hog industry.
Unang na-detect ro ASF sa barangay Arcanghel Sur sa banwa it Balete ko buean it Abril ag madasig nga magkalhit sa iba pang mga banwa.
Sambilog sigon sa rekomendasyon it Office of the Provincial Veterinarian hay ro total ban sa pagpasueod ag pagpaguwa it buhi nga baboy ag pork products sa kada banwa agud nga matapna ro pagkalhit it virus.
Kamana man ro pagpatigayon it culling operations .
