Sangka 8-anyos nga eaeaki ro naeumos-patay bandang alas-1:30 kahapon sa sangka suba sa may bahin it Sitio Macapio, Brgy. Logohan sa banwa it Madalag.
Sandig sa inisyal nga imbestigasyon it Madalag Municipal Police Station, residente it Brgy.Toralba, Banga ro biktima ag nag-adto sa nasambit nga lugar para i-selebrar ro kaadlawan it anang lola.
Nasayuran nga owa nataeupangdan ro pagpaligos kara sa may madaeom nga porsyon it suba kaibahan ro iba pang menor de edad man nga anang igkamporan.
Ginapatihan nga bangud sa mabaskog nga sueog ag madasig nga pagtaas it tubi ro rason it nasambit nga insidente.
Masobra sang oras man sigon ro ginpatigayon nga search and rescue operation it katapo it Madalag MDDRMO ag nasapwan eon raya nga naga-eotaw sa suba sa nasambit nga lugar
Gintinguhaan pang i-revived ro biktima ag gindaea sa sangka ospital apang gindeklara man rayang dead on arrival.
