KALIBO, Aklan—Paga-obrahon eon nga museum ro baeay it namatay nga si Cardinal Jaime Sin sa banwa it New Washington.
Suno sa CBCP, ginpirmahan eon ro Memorandum of Agreement sa tunga it Diocese it Kalibo ag Serviam Foundation nga nagasirbing custodian it baeay.
Ginpirmahan ro MOA matapos ro misa nga ginpangunahan ni Antipolo Bishop Ruperto Santos ko Agosto 31 kadungan it ika-95 nga kaadlawan ni Cardinal Sin sa Manila Cathedral.
Nagpirma sa MOA sanday Msgr. Rolando dela Cruz ag Fr. Rufino Sescon Jr. it Seviam Foundation ag Bishop Jose Corazon Tala-oc it Diocese of Kalibo ag Fr. Justy More it Historical Research, and Cultural Council it Diocese of Kalibo.
Ginpahayag man ni Fr. More nga tuyo it diocese sa pagtukod it museum nga ma-preserve ro handumanan ni Cardinal Sin, ag matur-an ro mga masunod nga henerasyon angot sa anang kabuhi ag teachings.
Nasayuran nga gin-umpisahan eon ro three-year preparation sa baeay ni Cardinal Sin para sa ika-50 nga anibersaryo sa 2026.
Target it diocese nga ibutang sa museum ro koleksyon it ecclesiastical artifacts ag archival materials.
