KALIBO, Aklan—Gindayaw ag gintaw-an it pagkilaea ni Kalibo sangguniang bayan member Augusto Tolentino ro daywang kalibonhon nga nagtao it bugae ag kadaeag-an sa probinsiya it Akean matapos nga makaangkon it bueawan nga medalya sa 29th California Open International Taekwondo Championships.
Raya hay sanday Mayden Niverca, 19-anyos, residente it Brgy. Briones, Kalibo nga naghampang sa kategoryang Senior Female Blackbelt sa light weight division over 49 to 52 kilogram kon sa siin naangkon kara ro bueawan nga medalya sa Kyurogi Event ukon Sparring ag si Fyll Krystyl Xylyl Oliva, 16-anyos it Roxas Avenue, Kalibo nga naghampang sa kategoryang Junior Female Blackbelt sa fin weight division over 42 kilogram nga ginsupervise ni Melvin Arboleda bilang andang Taekwondo coach.
Nagpasaeamat man si Tolentino sa Bombo Radyo Kalibo nga nagahatod it mga importanteng balita ukon serbisyo publiko sa mga tawo.
