KALIBO, Aklan—Nakalista ro probinsya it Iloilo sa may pinakamaabu nga kaso it pertussis ukon whooping cough sa bilog nga Western Visayas base sa datos it Department of Health Center for Health Development (DOH CHD) 6.
Base sa ginpaguwa nga two-week growth rate and incidence report it DOH 6, nakalista it 67 nga kaso it pertussis sa probinsya it Iloilo; ginasundan raya it Negros Occidental nga may 40 nga kaso; 22 ro kaso sa Iloilo City; 15 sa Capiz ; 10 sa Antique; ag tig-tatlo sa Guimaras ag Aklan.
Ginmandu eon it Iloilo Provincial Health Office ro pagpabaskog it immunization response nga gin-umpisahan eon it mga Rural Health Offices pinaagi sa pagbakuna sa mga eligible nga indibidwal ag mga pamatan-on.
Ginpahayag ni IPHO Head Dr. Maria Socorro Colmenares-Quiñon nga may bastante nga supply it bakuna para sa routine immunization pinaagi sa gintau it DOH nga dugang nga 14,000 doses para sa outbreak response.
