Nagapabilin nga una gihapon sa ospital ro 88-anyos nga si Pope Francis, apang stable eon ro anang kondisyon.
Suno kay Girlie Ongoco, Bombo International News Correspondent sa Rome, Italy, base sigon sa ginhambae it mga doctor nga naga-alaga kana, stable ag naga-improba eon ro anang kondisyon ag uwa eon man naka-angkon it respiratory crisis ukon kalisdanan sa pagginhawa ro santo papa.
Dugang pa nana, sa unang kahigayunan nabatian it mga pamueuyo ro ana nga limog paagi sa sangka voice message nga ginpabati kat nag-angkon it Rosary sa Vatican ku nag taliwang nga Ash Wednesday. Raya ro pinakaunang beses nga nabatian ro santo papa pagkatapos nga imaw hay mabutang sa bukon it manami nga sitwasyon.// sa voice message ni Pope Francis, ginpaathag nana ro anang pasasaeamat sa mga pangamuyo nga gin-alay para kana para sa anang ikamayad nga eawas.
Sa makaron, uwa pa sigon it balita kun hin’uno imaw makaguwa sa ospital.
