Napas-eawan ro kampo ni dating Pangueong Rodrigo Roa Duterte ag Sen. Ronald Bato Dela Rosa matapos nga uwa ginpaboran it Korte Suprema ro andang ginpasaka nga Petition for Certiorari and Prohibition.
Raya hay para kunta sa insigidang pagpaguwa it Temporary Restraining Order ag Writ of Preliminary Prohibition and Mandatory Injunction para mapunggan ro pagpadaea kay Duterte sa The Netherland.
Matapos ro naging deliberasyon sa 94 nga panig it petisyon, ginpahayag it Korte Suprema nga napas-eawan ro mga petitioner nga makabilog it klarong rason para sa insigidang pagpaguwa it TRO.
Angot kara, gintaw-an it Korte Suprema it 10 adlaw ro mga respondents sa petisyon nga magtao it andang komento.
Ginkumpirma man it SC nga nabaton eon nanda ro kopya it ginpasaka nga separadong petition for writ of habeas corpus sa dating presidente.
Raya hay gindihon it anang onga nga sanday Davao City Mayor Sebastian Duterte ag Veronica A. Duterte.
