KALIBO, Aklan—Padayun nga naga apela ro mga negosyante sa Kalibo International Airport nga madugangan ro flight sa nasambit nga paeuparan agud nga maka-survive ro andang negosyo .
Suno kay Annie Abogadie dela Peña, sangka restaurant owner sa paeuparan nga masyado eon nga bagsak ro ekonomiya sa palibot it airport kasunod it padayun nga pagbawas it mga domestic ag international flights.
May adlaw suno kana nga owa sanda it ginakita kabaliskaran kat owa pa tumama ro covid 19 .
Nagpaabot man imaw it kaeain it buot sa gobyerno bangud sa pihak it andang presenteng kahimtangan hay owa it ayuda nga gintau kanda.
Naka eksperyensiya sigon sanda it pagkalugi nga mga restaurant ag hotel owner .
Dapat kunta suno kana nga gin tutukan ro kalibo bangud nga raya ro sentro it probinsiya it Aklan .
Makapilang beses eon man sigon snada nga nagsueat ang mga local business owners natungdan apang owa it nagakaigo nga aksyon nga ginhimo ag klaru nga direksyon sa pagpamayad it Kalibo airport.
