POLICE Report — Nadakpan ro sangka binatilyo nga nagtakaw sa Tiguegarao City, Cagayan matapos nga masita it kapulisan sa border control checkpoint sa Brgy. Tactac, Sta Fe, Nueva Vizcaya.
Base sa report, samtang nagapatigayon it checkpoint ro 2nd Platoon, 205th Mobile Command hay nataeupangdan it kapulisan ro sangka Raider Suzuki nga ginamaneho ni Alias Jayjay, 17 anyos,residente it Purok 3, Brgy Punong Ganan, San Fernando, Surigao Del Norte bangud nga gulpi raya nga nagpundo ag makadueuda ro hueag.
Bangud kara, ginpaeapitan raya it pulis ag ginsita kon ham-an imaw nga nagpundo.
Samtang gina-usisa ro ginpakitang papeles it motorsiklo hay owa nagakasinanto sa pagkatawo it driver ag ro nakabutang sa mga rehistro.
Insigidang nagpatigayon it pag-usisa ag napamatud-an sa record sa pakikipag-angot sa Highway Patrol Group nga ro motorsiklong ginamaneho ni alias Jayjay hay gintakaw halin kay Edimar Saralla Y Bejer, residente it Brgy Canayun, Abulug, Cagayan kun sa siin napabalita nga naduea sa Brgy. Balsain West, Tuguegarao City, Cagayan.
Insigida man nga ginbalik sa tag-ana ro tinakaw nga motorsiklo.
