Ginpakigbahin ni Sen. Robin Padilla ro litrato angot sa sitwasyon ni Atty. Salvador Medialdea nga ginsueod sa emergency room it sangka ospital.
Si Medialdea hay idto para magserbeng abogado ni dating Pangueong Rodrigo Duterte nga ginkasuhan sa International Criminal Court (ICC).
hinambae it pilang kaibahan kara nga posibleng naapektuhan ro dating executive secretary it maeamig nga panyempo sa lugar.
Samtang, suno sa embahada it Pilipinas, bumisita si Medialdea sa ICC Detention Center agahon it Marso 18 para sa nakataeanang pagbisita kay Duterte.
Samtang una sa reception counter, bigla imaw nga nagmasakit. Insigida imaw nga gintaw’an it bulig medikal it medic sa Detention Center ag gindaea sa sangka ospital gamit ro ambulansya. Presente imaw nga nagapabueong, ag may maeapit nga kapamilya nga una sa ospital kaibahan nana.
