POLICE Report — Sangka pitong dag-on nga unga nga babaye sa Butuan City ro ginbo-oe, ginhimuslan, pinatay, ag gintagbong sa sangka maea nga bubon it andang kaeapitbaeay.
Suno sa report, napabalita nga naduea ro unga ko aga-aga it Marso 15. Ko ulihi, nasapwan ro anang bangkay sang kilometro ro kaeayu-on halin sa andang baeay.
Naaresto ro 29-anyos nga kaeapitbaeay nga una pa nga nagsunod sa pag-usoy sa biktima apang gulpi nga naduea ko ulihi kat may makitang eambong sa crime scene nga anang ginapanag-iyahan.
Ko ulihi, gin-aku sigon it suspek nga hilong imaw kat magsueod sa baeay it biktima, kun sa siin ginbayo nana raya ag gindaea sa guwa it baeay samtang tueog ro ama it unga.
Matapos himuslan ro unga, gintagbong nana raya sa bubon. Nagapangayo sigon imaw it tawad sa anang gin-obra.
Ginpaidaeum ro suspek sa drug test bangud sa impormasyong nagagamit raya it ilegal nga droga.
Ginpasakaan it kasong rape with homicide ro suspek.
