NATIONAL News — Ginmandu it Civil Aviation Authority of the Philippines (CAAP) nga indi anay pagpaeuparon ro iba pa nga aircraft it flying school nga naga-operate it sangka Cessna plane nga bumagbag sa Lingayen, Pangasinan nga ginkamatay it piloto ag anang student pilot.
Ro Cessna training aircraft nga may registration number RP-C8595 hay gina-operate it Pilipinas Space Aviation Academy Inc.
Nag-crash raya agahon it Domingo, Marso 30 kun sa siin insigida pa nga gindaea sa ospital ro mga sakay kara, apang ginbawian gid it kabuhi.
Suno sa CAAP, naglunsar eon it pormal nga imbestigasyon ro otoridad kun ano ro rason it insidente; ag samtang pending ro resulta, grounded anay ro flying school.
āAuthorities have initiated a formal investigation to determine the cause of the incident. Meanwhile, the flying school is grounded pending the results of the ongoing investigation,ā suno sa aviation authority.
Owa anay ginpaguwa ro pangalan it mga biktima ag una nga ginpahisayod ro andang mga pamilya, apang sa inisyal nga impormasyon, naga-edad it 32-anyos ro piloto ag 25-anyos man ro estudyante ag pareho nga eaeaki.
