Gin-anunsyo it Commission on Elections (COMELEC) nga paga-umpisahan eon nga i-deploy ro mga Automated Counting Machines (ACMs) sa Abril 4.
Sa kabilugang numero it mga makina nga 110,000, ro 94,000 kara ro mga iga-padaea sa makaeain-eain nga parte it nasyon, samtang ro 16,000 man nga mga makina hay magiging reserba ukon contingency machines.
Suno kay Commission on Elections (COMELEC) Chairman George Erwin Garcia, iga-deploy nanda ro mga reserbang makina sa mga may mabahoe nga numero it mga botante.
Mageuwas pa kara, maga-angkon man it poll body sa bilog nga nasyon it 110 nga repair hubs para maayos eagi ro mga makina kun masamad man sa katung’anan it eleksyon.
Angot pa kara, maga-gamit man ro komisyon it 7,000 nga mga Starlink satellites para sa mga maeayong lugar nga nalisdan makasagap it internet. Raya hay para masiguro nga matransmit eagi ro mga election results.
