SPORTS News — Ginpabaskog it Denver Nuggets ro andang tsansa sa playoffs matapos ro 117-109 nga pagdaog kontra Memphis Grizzlies, sa bulig it makasaysayang triple-double halin kay Nikola Jokic.
Nagrehistro si Jokic it 26 points, 16 rebounds, ag 13 assists, ro anang ika-34 nga triple-double makaron nga season.
Imaw makaron ro ikatlong manughampang sa kasaysayan it NBA nga nagtapos it regular season nga may average nga triple-double.
Raya ro pangaywang sunod nga pagdaog it Nuggets sa idaeom it interim coach nga si David Adelman nga nagbueos kay Michael Malone matapos nga boe-on kasunod it ap-at nga sunod nga pyerde.
Si Malone ro naghatod sa Denver sa andang kauna-unahang NBA championship ko 2023.
Nagbida man si Aaron Gordon nga may 33 points, samtang si Jamal Murray, nga kakahalin eamang sa injury hay nagbulig man it 15 points ag 7 assists.
