Kumpyansa ro Department of Tourism nga maga-abot sa milyong-milyong foreign ag lokal nga turista ro ma-dagsa sa nasyon kadungan it pagdumdum it Semana Santa makaron nga dag-on.
Base sa pag-tantya it ahensya, posibleng umabot sa 30 milyong turista ro maga buhos makaron sa makaeai-eain nga lugar sa Pilipinas. Kaabu-an sa mga raya hay posibleng mag-adto sa mga ginpabugae nga tourist destinations sa nasyon.
Sa sangka pahayag hay ginhambae ni Tourism Secretary Christina Frasco nga haum ro andang ahensya anumang oras.
Gin-sugo eon man it opisyal sa tanan nga regional operations nga pangunahan ro andang mga local tourist destinations sa andang area of responsibility.
Padayon man ro andang urahon nga pag-alalay sa mga turista sa makaeain-eain nga parte it Pilipinas makaron nga Holy Week.
