NATIONAL News — Gin-engganyo it Department of Migrant Workers (DMW) ro mga overseas Filipino workers (OFWs) nga magapabilin nga mapagbantay kontra sa mga loan scam.
Sa sangka Facebook post, ginpahayag it DMW nga mas nanda nga ginpabaskog ro pagtinguha nga protektahan ro mga OFW halin sa pagiging biktima it mga lending financing companies nga nagakalhit online, sa pakikipagbueuligan sa Securities and Exchange Commission (SEC).
Ginpahayag it DMW nga ro mga bogus lending schemes hay madasig nga naga-inabu sa social media, eabi eon sa Facebook.
Ro mga nasambit nga scam hay kaeabanan nga ginakaeakutan it mga pekeng kumpanya it financing nga nagapromisa it mas madasig nga mga pautang apang nagahinyu it mga paunang pagbayad, apang gulping nagakaduea nga owa nagapaguwa it anumang mga pondo.
Ginpamilit it DMW nga ro mga lehitimong kumpanya it nagapautang hay owa nagakinahangean it mga baeayran antes nga magpaguwa it mga pautang.
Samtang, gin-engganyo it SEC ro publiko nga i-verify ro mga financial entity pinaagi sa SEC Check App, nga pwedeng i-download online.
Ginpasiguro ni Migrant Workers Secretary Hans Leo Cacdac nga ro DMW hay nagapabilin nga mabakod sa promisa kara nga protektahan ro mga kinamatarung ag kamaeayran it mga OFW ag andang mga pamilyang naaywan.
