INTERNATIONAL News —Ginpaabot it Vatican nga 130 foreign delegations ro magatambong sa eubong ni Pope Francis eakip eon ro 50 nga heads of state ag 10 nga reigning monarchs.
“There are currently 130 delegations confirmed for the funeral of Pope Francis,” suno sa Vatican.
Sa Sabado ro eubong it Santo Papa, alas-4 it hapon oras sa Pilipinas.
Suno kay Matteo Bruni, director it Holy See Press Office, 61,000 eon nga katawo ro nag-agto sa St. Peter’s Basilica halin ko Myerkules it agahon agud nga magtau it respeto kay Pope Francis.
Sa oras nga maeubong eon ro 88-anyos nga Pope, may pagapatigayunon nga pagpangamuyo sa rosaryo sa atubang it Basilica of St. Mary Major sa alas-9 it gabi-i.
Sa separado nga post it Holy See website, ginapabutyag nga nadesisyunan eon kun sin-o ro maga-deliver it daywang pre-conclave meditations.
Base sa nakasugtanan it 113 nga Cardinals nga una sa Roma para sa ika-tatlo nga General Congregation, si Cardinal Víctor Manuel Fernández ro magapanguna sa misa sa ika-an-um nga adlaw it Novemdiales sa baylo nga si Cardinal Kevin Farrell.
Sa pihak nga parte, si Fr. Donato Ogliari, O.S.B., Abbot of St. Paul Outside the Walls, ro maga-deliver it first meditation sa Lunes, ag si Cardinal Raniero Cantalamessa, Preacher Emeritus of the Papal Household, ro magatau it second meditation sa pagbukas it conclave.
Owa pa it petsa nga nakasugtanan kun hin-uno maga-umpisa ro eleksyon para sa masunod nga Santo Papa.
