POLICE Report — Patay ro tatlong unga matapos aksidenteng masunog ro andang baeay bandang alas-11 it gabi-i bangud sa gina-alegar nga kandila sa Calumpit, Bulacan.
Base sa report, naga-edad it sang dag-on ro unga nga babaye samtang lima ag pitong dag-on man ro anang mga magueang nga eaeaki ag puro mga residente it Brgy. Gatbuca sa nasambit nga lugar.
Ginasugid nga posibleng kandila ro naging mitsa it sunog nga pumatay sa mga biktima bangud nga owa sigon it kuryente ko mga oras nga natabu ro insidente.
Ginpahayag dugang nga nagpanaw ro andang ginikanan para mag-agto sa namatyan sa pihak nga barangay ag gin-aywan ro magmaeanghud nga nagakatueog.
Angot kara, maabu nga mga netizen ro nagkomento sa nag viral nga post nga naghambae nga nagasugae eamang ro ina it mga biktima sa sangka lamay sa kasagsagan it sunog.
Padayun pa ro imbestigasyon it mga awtoridad sa ginhalinan it sunog.
