Nakalista it kabilugang 195,487 nga tourist arrival sa isla it Boracay sa buean it Abril.
Suno kay Kathrine Licerio, tagapaghambae it Malay Tourism Office, sa nasambit nga numero, 163,133 kara ro domestic tourist; 2,201 ro overseas Filipinos; ag 30,153 mat-a ro foreign tourist.
Ginpahayag dugang ni Licerio nga ro nasambit nga numero hay mas mataas kon ikumpara sa kaparehong buean it nagtaliwan nga dag-on. Nakikita nga ro rason kara hay ro pag-abo it mga aktibidad sa ginpatigayon nga Love Boracay kon sa siin gintambungan it libo-libong party goers ro mga free concert nga ginhiwat sa front beach mismo it isla.
Ginpahayag dugang ni Licerio nga maabo ro nakipagbuligan kanda nga mga maeagkuang kumpanya nga naging rason it kadaeag-an it andang mga ginpreparar nga aktibidad.
Ginaeauman nga sa nabilin nga buean it bakasyon hay mas pang magadugang ro tourist arrival sa isla it Boracay.
