KALIBO, Aklan — Ginkumpirma it Police Regional Office (PRO)-6 nga 29 sa andang mga pili nga tawuhan ro magaserbing mga miyembro it Special Electoral Board sa Bangsamoro Autonomous Region in Muslim Mindanao (BARMM) para sa eleksyon sa Mayo 12.
Suno kay PRO-6 spokesperson Lt. Col. Arnel Solis nga ro andang deployment hay pormal nga ginpatigayon ko Martes sa sangka send-off ceremony sa regional headquarters it PRO6 nga ginpangunahan ni Regional Director Brig. Gen. Jack Wanky ag ko legal officer it Commission on Elections Western Visayas nga si Jekar Francis Sullano.
Sa 29 nga mga personnel, 17 kara ro babaye ag 12 ro eaeaki.
Onse kara ro naghalin sa Iloilo Police Provincial Office, an-um halin sa Capiz PPO, tig-ap-at halin sa Aklan ag Antique PPO, ag tig-daywa halin sa Guimaras PPO ag Iloilo City Police Office.
Ro mga raya hay ginpaidaeum sa nagakaigo nga training angot sa proseso it eleksyon.
Ginpahayag dugang nga sa unang kahigayunan sa kasaysayan it eleksyon, magapadaea ro PRO6 it augmentation sa ibang rehiyon para sa eleksyon.
Ro nasambit nga mga pulis hay nagpatigayon it courtesy call sa Police Regional Office-Bangsamoro Autonomous Region.
