Electoral board, nagpaandam sa ballot shading kasunod it makapilang beses nga pag-eu-ad it ACM sa sangka balota sa Estancia Elementary School

KALIBO, Aklan — Dapat maging madahan ro mga botante sa pag-shade sa andang balota sa nagapadayun nga  2025 midterm elections agud nga malikawan ro pagkalhit it tinta.

Raya hay matapos nga sangka balota ro haeos an-um nga beses nga gin-eu-ad it automated counting machine ukon ACM sa sangka presinto sa Estancia Elementary School.

Ginasugid nga masyadong gindum-ok it botante ro pag-shade rason nga nag-eapos ro ink sa pihak nga parte it balota.

Bangud kara, owa ginbaton it makina ro balota bangud sa marka nga naka apekto  sa papel.

Hasta nga ko ulihi hay indi eon masarangan nga basahon it automated counting machine ro boto, kun sa siin may nagaguwa nga kataga sa makina nga kontaminado eon ro balota.