Ginbulgar ni reelected Senator Bong Go nga pareho nga nagapangasawa sanday Senate President Francis “Chiz” Escudero ag Senator-elect Tito Sotto sa Duterte bloc angot sa posisyon it pagka-Senate President.
Raya hay matapos nagguwa ro pangaean ni Sotto nga imaw ro matunog nga ginabati-bati nga igabueos kay Escudero kun magbukas eon ro 20th Congress.
Suno kay Go, maabu pa nga iba ro naga-istorya kanda ag bukas man sanda sa pag-istorya.
Simple eang ro andang ila criteria suno kay Go nga dapat nga unahon ro interes it Pilipinas, interes it kada Pilipino, ag ipabilin nga independent ro Senado.
Kun si Senator Ronald “Bato” Dela Rosa man ro pahambaeon, lima sanda nga miyembro it Duterte bloc nga ginaeakipan nanday Go, si Robin Padilla, si Imee Marcos, ag si Senator-elect Rodante Marcoleta.
Pahayag man ni Go, owa pa sanda it desisyon kun sin-o ro andang pagasuportahan nga mangin senate president, ukon magabutang sanda it kaugalingon nanda nga kandidato para sa nasambit nga posisyon.
Madumduman nga una eon nga ginpahayag ni Sotto nga tatlo hasta ap-at nga mga senador ro nag-istorya kana agud nga iduso nga magpamuno sa upper chamber.
