KALIBO, Aklan — Nakipagpueong si Aklan Governor Joen Miraflores sa mga tawuhan it Provincial Health Office ag Aklan Provincial Hospital para sa pagpahaum it probinsya sa posibleng paeag it monkey pox ukon mpox.
Suno kay Governor Miraflores nga magapatuman sanda it mga proactive measures agud nga malikawan ro pagkalhit it sakit.
Nasayuran nga ro mpox hay makataeapon nga baeatian nga nagakalhit pinaagi sa direkta nga pagbuyot it panit, pag-talsik it eaway ukon sip-on, ag pagbuyot sa kontaminado nga butang halin sa tawo nga may nasambit nga sakit.
Ro nagapanguna nga sintomas it mpox hay ro blisters sa panit, kun sa siin ginadunganan raya it eagnat, pagsakit it eawas ag pagpang-euya.
Importante nga magpakonsulta eagi kun may una nga mga sintomas.
Ipabilin ro kalimpyo, maghugas it alima ag maglikaw anay sa mga matawo nga lugar agud maprotektahan ro kaugalingon ag komunidad.
Nasayuran nga may una eon nga sangka kumpirmado nga kaso it mpox sa Iloilo City.
