NATIONAL News — Naghinyo si dating Presidente Rodrigo Duterte it interim release ag ibutang sa owa ginpangaeanan nga nasyon.
Ginpahayag it anang abogado nga si Nicholas Kaufman nga sangka owa ginpangaeanan nga nasyon ro nagpahayag it kahauman sa pagbaton sa dating pangueo.
Nakabaehag sa petisyon ni Kaufman nga bukon it kritikal ro kondisyon ni Duterte rason nga sigurado raya nga makabiyahe ag makatambong sa court hearing.
Nagapati imaw nga indi magahimo it mga bagay si Duterte nga makatau it kahuy-anan sa nasyon nga gustong magpasueod kana.
Ro owa ginpangaeanan nga nasyon hay sangka estado nga partido it Rome Statute, kun sa siin may andang kasugtanan sa pagtukod it International Criminal Court.
Nagaeaum sanda nga aprubahan it ICC Pre-Trial Chamber ro andang request para sa interim release.
Madumduman nga ko Marso, napreso ro dating presidente sa ICC Detention Center sa Scheveningen, The Hague Netherlands bangud sa mga krimen kontra kana sa tiempo it anang administrasyon partikular sa ginlunsar nga war on drugs.
