Nagdeploy ro Philippine Coast Guard (PCG) it daywang barko ag sangka aircraft sa Rozul Reef sa West Philippine Sea bilang sabat sa napabalitang presensiya it masobra 50 barko it Chinese Maritime Militia (CMM).
Sa inspeksiyon, ginkumpirma it PCG ro kumpulan it mga CMM vessels sa sueod it exclusive economic zone (EEZ) it Pilipinas, ginabueubantang 130 nautical miles halin sa Palawan.
Insigida sandang gin-isyuhan it radio challenge, ag ginpamilit ro pageabag it mga barko sa Philippine Maritime Zones Act, UNCLOS, ag 2016 Arbitral Award.// Sa pihak kara, uwa it nabaton nga sabat halin sa CMM.
Nagdeploy man ro PCG it inflatable boats para irekord ro bow numbers it mga CMM vessels.
Suno kay PCG spokesperson Commodore Jay Tarriela, nagapabiling committed ro PCG sa pagprotekta sa maritime jurisdiction it nasyon, alinsunod sa direktiba ni Pangueong Ferdinand Marcos Jr. nga indi i-surrender ro teritoryo it Pilipinas.
