Owa it mabahoe nga epekto sa ekonomiya it Pilipinas ro naga-eontad nga tensyon sa Middle East.
Raya ro ginpahayag ni Pangueong Ferdinand Marcos Jr., matapos nana nga makapueong ro anang economic team, adlaw it Martes.
Sa pihak nga parte, ginpahayag man ni Energy Usec Sharon Garin nga base sa assessment it economic managers, minimal eamang ro nakikitang epekto it Middle East sa tension sa ekonomiya it nasyon eabi pa ag may mga nakaplastar eon nga tikang ag suporta ro gobyerno, agud nga masabat ro oil price hike tuga it Iran-Israel Conflict.
Nauna kara, nagnaba sa 69 dollars per barrel ro presyo it krudo sa world market, halin sa 70 dollars nga nailista kan-o eamang.
Gindugang pa ni Garin, ro nasambit nga pagnaba it presyo sa world market hay posibleng tuga it gin-anunsyong cease fire sa tunga it daywang nasyon.
Suno kana nga maskin good news ro nailistang pagnaba, nagapabilin ro mandu it pangueo nga siguraduhon nga ma-protektahan ro publiko sa impact it oil price hike.
