-- ADVERTISEMENT --

KALIBO, Aklan — Pwede nga matabu, apang malisod. Raya ro pagpati ni Atty. Plaridel Morania, sangka political analyst sa Aklan angot sa  gindihon nga resolution sa senado nga nagahinyu nga pasugtan ro house arrest ukon temporaryong pagpahilway kay dating Pangueong Rodrigo Duterte.

Suno kana nga haeos imposibleng pasugtan it International Criminal Court (ICC) ro ginaproponer nga interim release.

-- ADVERTISEMENT --

Bihira sigon nga magtau ro  ICC  it interim release, ag kaeabanan eamang raya nga ginatau sa mga akusado nga may grabeng sakit ukon medical emergency nga  indi masarangan nga masabat it medical team sa sueod it pasilidad.

Pahayag dugang nga ro interim release hay kaeabanan nga ginatau sa mga akusadong may minor offenses, ag bukon it sa mga kasong mabug-at kapareho it crimes against humanity nga ginapangatubang ni Duterte.

Sa pihak kara, engkaso nga pasugtan hay magiging basehan raya agud nga mai-grant ukon mapatuman man sa iba sa ulihi nga mga paniempo.

Kapareho it mga Pinoy, may humanitarian consideration man ro mga judges it ICC, apang maid-id nanda nga ginatimbang ro mga kaso nga ginabuytan agud nga maging patas sa tanan.