KALIBO, Aklan—Naghilinugyaw sa kasadya ro Tribu Linabuanon matapos nga maangkon it uman ro kampeonato sa Sadsad Ati-Atihan Competition sa Tribal Big Category sa awarding ceremony nga ginapatigayon sa Magsaysay Park, Dominggo it gabie.
Naging back to back champion ro nasambit nga tribu matapos nga nadepensehan it mga raya ro andang titueo bilang sanda ro defending champion ko Ati-Atihan festival 2025.
Angot kara, eubus ro pagpasaeamat ni Roger Ortega, lider it grupo kay Sr. Sto. Niño de Kalibo bangud nga worth it ro tanan nandang sakripisyo ag kalisod nga inagyan bago ro competition proper.
Mag-eowas sa pagiging kampeon nga may premyong tumataginting nga P1.1 milyon pesos hay naging hakot awardee man ro grupo bilang Best in Street dancing; Best in Costume; Best in Beats and Sounds ag Best in Head Dress nga may tig- 5,000 peso nga premyo.
Samtang, naangkon mat-a it Black Beauty Boys ro first runner-up; second placer ro Vikings ; ginasundan it tribu Alibangbang kon sa siin nabuoe man nanda ro Most Disciplined; pang ap-at nga pwesto ro Libtong Boys; 5th placer ro Pangawasan Tribe ag nag pang-anom ro Maharlika Tribe.
