KALIBO, Aklan—Haum eon ro mga hotel, inn ag lodge sa probinsiya it Aklan para sa ginaeauman nga pagdagsa it mga bisita makaron nga Valentine’s Day hin-aga nga adlaw it Sabado.
Pila sa mga establisyemento hay naga-offer it special promos, discounted rooms para sa mga magkarelasyon nga gusto nga mag-relax, ag exclusive packages para sa couples.
angot kara, ginpahayag ni Josephine Bejirano, sambilog sa tag-ana it Jofel guest house nga nahamtang sa Purok 3, Brgy. Bulwang, Numancia nga may pilang rooms sanda nga naka-reserve eon, apang may waeo pa sanda nga available.
Gin engganyo nana ro andang mga kliyente nga magpa-book it temprano agud nga indi maubusan it kwarto bangud nga ginaeauman nga magiging puno ro mga raya hin-aga nga adlaw it Sabado.
Ro andang room rate hay naga-abot sa P1,500 ro overnight kun sa siin raya hay air conditioned room nga may wifi/TV with cable ag hot and cold shower.
Gindugang pa kara nga owa sigon sanda naga-offer it shortime.
Samtang, kumpara kada ati atihan festival, mas sangkiri ro andang guest kada Valentines Day.
