Ginpahayag ni Bishop Gerardo Alminaza nga ro pag-atubang ni dating Pangueong Rodrigo Duterte sa International Criminal Court sa kumpirmasyon it kaso sa anti-drug campaign hay indi dapat tan-awon bilang simpleng balita kundi bilang “a moment of moral reckoning.”
Dugang pa kara nga may kinamatarung ro mga pamilya nga mag-usoy it accountability pinaagi sa lawful mechanisms, national and international. “Truth must prevail. Justice must not be delayed.”
Ginmitlang pa it obispo nga ro anti-drug operations it administrasyon hay naging “machinery of death” ag nag-normalize it impunity, ag ro kampanya hay “a war against the poor.”
Gindayaw man nana ro mga pamilya it biktima sa andang paghandum it hustisya.
Ginmitlang nana nga ro “abundant life” sandig sa ebanghelyo hay owa dapat nagakahueugan it pagpangabuhi nga may kahadlok, kundi seguridad, kalinong, ag katarungan.
Gin-engganyo man nana ro mga Pilipinong Katoliko nga indi maghipos sa atubang it kawad-an it hustisya.
Gin-aku ni Alminaza ro kakueangan it simbahan sa pagtindog kontra sa kultura it pagpatay ag nagpangayo it kapatawaran.
Suno kana nga ro mga Pilipino, eabi eon ro mga unga hay nagakadapat sa sangka nasyon nga nagatindog sa kamatuoran.
Maga-atubang ro mga abogado ni Duterte sa ICC, adlaw it Lunes, Pebrero 23, para sa opisyal nga pagplastar it mga kaso angot sa anti-drug campaign nga nag-abot sa indi maganaba sa 6,000 nga katawo base sa opisyal nga listahan it gobyerno, apang ginaboeobanta nga 30,000 ro kabilugang numero it mga namatay suno sa human rights groups.
