E-certificate it birth, marriage, death ag iba pa, posible eon nga ma-request sa PSA

Pwede eon nga mabo-oe pinaagi sa digital ro mga dokumento it civil registry kasunod it paglunsar it e-certificate service it Philippine Statistics Authority (PSA) adlaw it Miyerkules, Pebrero 25, 2026.

Ro nasambit nga serbisyo hay ginapadaeagan it PSAHelpline.ph, sangka bilog nga digital nga serbisyo nga nagapahanugot sa mga user nga magpangayo it mga e-certificates nga kapareho it legal nga awtoridad sa tradisyonal nga mga sertipiko nga gina-isyu it PSA.

Kaeakip sa mga digital nga dokumento nga pwedeng ma-request ag ma-verify hay ro birth, death ag marriage certificates, kamana man ro certificates of no marriage ag no death.

Suno sa PSA, ro serbisyo hay “cryptographically secure,” indi ma-tamper ag may real-time nga authentication.