Inde magnaba sa 51 katawo ro namatay matapos tamaan it airstrike it Israel ro sangka elementary girls’ school sa Minab, sa probinsya it Hormozgan sa nabagatnan it Iran.
Base sa Iranian state reports, nag-eampas sa 40 ro kumpirmadong namatay sa nasambit nga pag-atake, nga ginakabig sigon nga ”civilian target.”
Mag-eowas kara, daywang iba pang estudyante ro namatay sa separadong Israeli strike nga tumama sa sangka eskwelahan sa Tehran.
Ro pag-atake sigon sa eskwelahan it mga ongang babaye hay posibleng magtuga it mas mabahoe nga kontrobersiya sa pambomba it Israel ag U.S.
Nagpromisa mat-a sigon si U.S. President Donald Trump it bulig para sa pumueoyo it Iran, apang ro pagtaas it numero it sibilyang namatay hay posibleng iinsister it gobyerno it Iran bilang pag-eabag sa international law ag sangka agresyon kontra sa andang pumueoyo.
