Ginhakwat ni AJ Ote it banwa it New Washington ro unang gold medal sa Western Visayas Regional Athletic Association Meet ukon WVRAA 2026 weightlifting secondary boy’s 48-kilogram category sa Passi City, adlaw it Miyerkules, Marso 18.
Naging impresibo ro performance ni AJ rason nga naunahan ro kaengkwentru nga weightlifter halin sa Iloilo.
Si AJ hay unga it athletic coach it Aklan nga si Jovie Ote nga nagatindog man makaron bilang technical official it WVRAA 2026.
Si AJ hay naga eskwela sa New Washington National Comprehensive High School ag nagatindog nana nga coach si Shirly R. Lingacion.
Bangud sa anang kadaeag-an, imaw ro maga represent sa Western Visayas sa Palarong Pambansa.
Mag-eowas kay Ote, humakot man it bueawan nga medalya si Nuche Veronica Ibit sa 50 Meter Butterfly Secondary Swimming Girls ag Brennan Hilario nga naka-break it record ag nag angkon it daywang gold medal sa 50-Meter Butterfly ag 200-Meter freestyle.
