KALIBO, Aklan — Bangud sa pumalpak nga pagpakitang gilas ni US President Donald Trump, nagapangatubang sa krisis ro Pilipinas ag haeos bilog nga parte it kalibutan.
Raya ro ginpahayag ni Atty. Harry Sucgang, political analyst sa Aklan.
Suno kana nga bulok ro naging intelligence gathering it Israel nga nagresulta sa andang saea man nga suhestiyon sa US nga atakehon ro Iran.
Sa makaron hay puro palpak ro mga ginapatigayon nga negosasyon it US sa Iran.
Dapat suno kana nga magapanabat si Trump sa anang aksyon bukon eamang sa bilog nga kalibutan kundi pati sa anang kaugalingon nga nasyon.
Ko nagtaliwan nga mga domingo, mas pa nga ginpa-grabe it Amerika ro sitwasyon sa Middle East rason nga eubus nga naapektuhan ro suplay it langis sa nagkaeain-eain nga nasyon kaibahan ro Pilipinas.
Mas pa nga nag-eapad ro engkwentru rason nga nadaeahig ro mas maabu nga mga nasyon .
