Ginklaro ni Kabataan Partylist Representative Atty. Rene Co nga bukon it minatuod ro mga ginahambae nga gina-una ro impeachment ni VP Sara Duterte ag ginapaiway ro minatuod nga problemang ginapangatubang it nasyon.
Suno kana, sa andang bahin, pareho ag dungan nandang gina-asikaso ro mga raya kun sa siin naga-dihon sanda it measures para nga i-address ro krisis sa langis nga ginatan-aw man nandang bukon it maayos ag uwa insigidang ginarespondehan ni Pangueong Ferdinand Marcos Jr.
Uwa man sigon nanda ginakalipatan ro mga naging anomalya ku nagtaliwan nga mga binuean ag ginpamilit nga naka-primarya gihapon ro pag-kuhit it panaeabton sa mga imbolbado sa korapsyon.
Paathag nana, may tagsa ka mga komitiba nga naga-pokus sa sangka isyu nga naga-katabo sa nasyon.
Samtang, ginpaathag man nana nga sa makaron hay may una pa eamang nga laye nga naga-tao sa Pangueo it dugang kapangyarihan nga pwede nanang suspindihon ukon bawasan ro excise tax sa langis.
Apisar sigon nga matapos ro 15-diyas pagkatapos permahan ro nasambit nga laye, bukon pa it klaro kun suspindihon baea ukon bawasan eamang ro excise tax, nga hasta makaron hay uwa pa gina-sabat.
