Uman nga nagpadumdum si Rev. Fr. Jude Rebaldo, Parish Priest it St. Isidore the Farmer sa banwa it Nabas sa mga deboto nga owa gina-engganyo it Simbahan ro pagsakit sa kaugalingon ag pagpa-eansang sa krus kada Semana Santa.
Suno kana nga ro eawas it tawo hay kaibahan sa ginsalbar ni Hesus, kun sa siin ginatawag raya nga temple of the Holy Spirit.
Ro ginapasugtan suno kana it simbahan nga pagpenetesnsiya hay ro pagpu-asa ukon pag fasting ag ro paglikaw sa pagkaon it mga karne kada kwaresma.
Dugang pa ni Fr. Rebaldo nga bukon it tama ro panan-awan nga mapatawad sa mga kasae-anan ro mga tawong nagasakit sa andang kaugalingon .
Ro teolohiya eon sigon ro nagahambae nga ro pagpaeansang ag pagkamatay ni Hesus sa Krus hay sobra eon para tubuson ro tawo sa kasae-anan ag indi eon dapat nga uman-umanon pa.
Ginpamilit it pari nga base sa turo it Simbahang Katolika, kon gusto nga mapatawad ro mga saea nga nahimo dapat hay magkumpisar ag magpromisa nga magabag-o eon sandig sa pag-antus ni Hesus.
