-- ADVERTISEMENT --
Gin-anunsyo ni Department of Interior and Local Government (DILG) Secretary Juanito Victor ‘Jonvic’ Remulla nga hugot nga ginabawaean ro pag-inuman sa mga kalye ukon binit it karsada.
Suno kana, raya sigon ro nagapangunang rason sa likod it mga away sa kalye ukon mga sexual harassment sa mga kababayin-an.
Ginmanduan man it opisyal ro pulisya ag maging ro mga otoridad it mga lokal nga gobyerno nga dakpon ro sin-o mang magaeabag sa nasambit nga polisiya bilang kaparte it Anti- Public Intoxication Act.
Samtang, ginpahayag mat-a ni Remulla nga uwa sigon it problema kon ro inuman hay nagakatabo sa sueod it mga panimaeay ag bukon eamang it sa mga pampublikong lugar kaparehas it mga karsada ag kalye.
