Gin-aprubahan it World Bank ro $600-million financing program para sa Department of Education (DepEd) Project for Learning Upgrade Support and Decentralization (PLUS-D), nga tuyong pabaskugon ro foundational literacy sa public primary ag lower secondary schools sa Pilipinas.
Naka-disenyo ro programa nga magtao it suporta sa bilog nga nasyon nga makabulig sa kapin 21 milyong K-10 learners nga makaeagas ag makapamayad sa learning outcomes.
Ro PLUS-D program hay nakabase sa learning recovery ag acceleration agenda it DepEd.
Tuyo kara nga pabaskugon ro teaching ag school leadership sa pinaagi it evidence-based training ag coaching, paeaparon ro access sa inclusive teaching ag learning materials, ag suportahan ro digitalization ag decentralization efforts.
Magatao man ro programa it pondo sa grants ag tailored support para sa 10 piling DepEd regional offices ag masobra sa 11,100 nga eskwelahan para padasigon ro elementary learning ag mapamayad ro kalidad it lower secondary education.
