Sangka international oil tanker ro naka-agi eon sa Strait of Hormuz sa kauna-unahan nga kahigayunan umpisa nga ginpatuman ro ceasefire it Iran ag Estados Unidos.
Base sa MarineTraffic data, ginatawag ro barko nga MSG, sangka Gabon-flagged oil tanker nga may karga nga 7,000 tons nga langis halin sa United Arab Emirates ag pagadaehon paagto sa India. Raya hay nagapakita nga amat-amat eon nga nagahueag ro mga saeakyang pandagat sa nasambit nga strait.
Apang, pila eamang nga barko ro naga-agi bangud nga maabu pa nga mga kompaniya ro nagadahan sa posible nga mga risgo.
Ro Strait of Hormuz hay sangka importante nga ruta para sa pangkalibutanon nga negosyo it langis, ag naapektuhan it mga tensyon kan-o eamang.
Suno sa mga eksperto nga raya hay sangka mayad nga senyales, apang posibleng mabuhayan pa antes nga eubusan nga magbalik sa normal ro biyahe it mga barko sa nasambit nga lugar.
